Hin aldagamla hefð um að brúður skulið bera eitthvað gamalt og eitthvað nýtt, einhvern lánshlut og eitthvað blátt, á uppruna sinn að rekja til ensku rímunnar góðkunnu.

Something old, something new

Something borrowed, and something blue.

Svo endar máltækið á þessa leið: and a lucky sixpence for her shoe.

Sjaldan er góð vísa of oft kveðin og hefur þessi hefð skotið rótum í ýmsum þjóðlöndum. Þar skarta brúðir einum hlut ef hverri gerð sem vísan segir til um og á það að boða lukku. Hver hlutur hefur táknræna merkingu og ekki er óalgengt að aðstandendur brúðarinnar gauki að henni hlutunum á síðustu stundu fyrir brúðkaupið. En brúðurinn getur allt eins tekið örlögin í sínar hendur og skaffað sér sína eigin happahluti á deginum stóra.

Ef fólk ákveður að lúta þessari hefð er um auðugan garð að gresja hvað hlutina sjálfa varðar, og eftirfarandi eru hugmyndir sem byggja á enskum brúðkaupum í gegnum aldirnar og ættu að gefa nasaþefinn af því hversu ótakmarkaðir möguleikarnir eru í þessum fræðum. 

“EITTHVAÐ GAMALT” TÁKNAR FRAMHALD 

Smart Antíkhlutir

• Antíkbókamerki sem getur verið notað til þess að merkja við rétta blaðsíðu sé upplestursefni í brúðkaupinu.   
• Gamall silkiborði.
• Barnakoddi brúðarinnar.
• Útsaumaði vasaklúturinn hennar ömmu.
• Brúðkaupsmynd af langömmu og langafa sem stillt er upp til sýnis í móttökunni.
• Söguleg staðsetning valin fyrir brúðkaupið.
• Fornbifreið sem brúðkaupsbíll.
• Perluhandtaska.
• Léttvín borið fram frá þínu eigin fæðingarári.

Erfðargripir

• Nælur.
• Hnappar af gamla jakkanum hans pabba.
• Kampavínsglas í eigu ættingja notað til hátíðarskálar.
• Handhægur spegill.
• Eyrnalokkar
• Gamall trúlofunarhringur einhvers sem þér er kær.
• Leikhúsloníettur.
• Brúðarkökuskreyting foreldra þinna.
• Sjal.
• Hanskar.
• Brúðarkjóll móður þinnar. 

Gripir sem hafa tilfinningalegt gildi

• Fjársjóðir úr barnæsku: hringir, dúkkur, armbönd eða nafnafestar.
• Gamalt ástarbréf sem mamma eða pabbi hefur geymt í gegnum árin.
• Smápeningur frá gamalli tíð sem geymdur í skó brúðarinnar og boðar lukku.
• Brúðkaupsmynd af foreldrum þínum sem geyma má í veskinu.
• Mynd af þér sem lítilli stúlku.
• Pjatla úr brúðarkjól ömmu þinnar sem festa má innan á faldinn á þínum kjól. 

”EITTHVAÐ NÝTT” TÁKNAR BJARTSÝNI FYRIR FRAMTÍÐINA 

Frábærir fylgihlutir

• Vöndur með silkiblómum.
• Hlekkur úr happaarmbandi.
• Kristalsglas til að skála með.
• Neflokkur með demanti.
• Steinum skreytt hálsól.
• Perlufesti.
• Sólhlíf.
• Silkisokkar.
• Wonderbra brjóstahaldari.

Smart smáatriði

• Chanel eða Christian Dior varalitur í ljúfum tón.
• Gott ilmvatn.
• Hárlenging.
• Henna húðflúr.
• Flott klipping og hárlitun.
• Sexy förðunarveski.

Nýstárlegt og notadrjúgt

• Gestabók úr leðri með nægu plássi á hverri síðu fyrir gesti að skrifa kveðjur sínar.
• Hanastél sem er sérblandað og hannað fyrir brúðhjónin.
• Spánýr smápeningur sem setja má í skó brúðarinnar.
• Glænýr brúðarbíll.
• Tyggjóplata.

”LÁNSHLUTUR” TÁKNAR AÐ FÁ HAMINGJUSKAMMT AÐ LÁNI 

Fjársjóðir fjölskyldunnar

• Gervipelsinn hennar frænku þinnar.
• Blóm úr garðinum hennar ömmu.
• Vasaúrið hans pabba.
• Silkivasaklútur föður þíns.
• Bænabók ömmu.
• Sumarhúsið á Spáni sem frændi á (fyrir brúðkaupsferðina)
• Eyrnalokkar frá tengdó.
• Bakgarður foreldranna.
• Uppáhaldslagið pabba og mömmu (fyrir fyrsta dansinn)
• Hlýralausi brjóstahaldarinn sem systir þín á.
• Orðin sem foreldrar þínir skiptust á í sínu brúðkaupi.

Smávægilegir smáhlutir

• Bók með ástarljóðum í eigu vinar sem taka má með sér í brúðkaupsferðina.
• Farsímar.
• Hárspennur.
• Hnífur með perluskapti til að skera tertuna.
• Dýrmætur smápeningur.
• Perlufesti.

Sætt og sniðugt

• Guðdómlegt gæludýr.
• Blómastúlka.
• Sundlaug eða heitur pottur í eigu vinar (fyrir eftirpartíið)
• Orð skálda eða heimspekinga sem skreyta má athöfnina með.
• Létt sjal.
• Sólvörn.

“EITTHVAÐ BLÁTT” TÁKNAR TRÚ, LUKKU OG ÁST 

Brúðkaupsnauðsynjar

• Bláar blöðrur.
• Bréfskraut.
• Sokkaband.
• Skyrta (eða jafnve hár) brúgumans.
• Ísblár brúðarkjóll.

Blóm og fegurð

• Bláar augnlinsur.
• Blátt naglalakk.
• Bláber sem skraut í blómvendi og á borð.
• Hárskraut úr bláum blómum.
• Augnskuggi.
• Glimmer farði.
• Borði í hár eða um blómvönd.
• Húðflúr í bláum lit.
• Lítil blá hjartaaskja sem komið er fyrir í brjóstahaldara eða veski.

Hátíska og húmor

• Ljósblár undirkjóll eða undirpils
• Blátt úr.
• Bláir saumar í brúðarkjólnum.
• Nöfn brúðhjóna skrifuð með blárri krít á gangstéttina.
• Bláar nærbuxur.
• Blár spotti bundinn um fingur þér sem áminning um að ástin skal í lífinu þrífast.
• Kóróna með bláum steinum.
• Blár brúðarbíll.
• Blár verndargripur.
• Veski.
• Fartölva.
• Nærföt.
• Silkiborðar.

Vonandi finnið þið eitthvað við ykkar hæfi. 

Höfundur: Guðbjörg Magnúsdóttir