Ef þið ætlið að taka börnin með ykkur í sólskinsríka brúðkaupsferðina er gott að hafa eftirfarandi í huga.

• Alls ekki láta börnin ykkar vera í sólinni án þess að bera á þau sólarvörn, sama á hvaða aldri þau eru.
• Notið sólarvörn sem er sértaklega ætluð börnum.
• Það þarf að bera á börn sem busla mikið í sjó á nokkurra klukkustunda fresti.
• Sólin er sterkust milli 12 og 14 á daginn og er ekki mælt með því að fólk sé í sólinni þá, sérstaklega ekki börn.
• Börn undir 1 árs aldri eiga ekki að vera þar sem skín beint á þau, heldur undir sólhlíf.
• Einnig er mjög sniðugt að klæða lítil börn í létt föt og setja á þau sólhatt til að verja þau gegn sterkustu geislunum.
• Síðast en ekki síst munið að gefa börnum ykkar mikið vatn. Líkaminn tapar miklum vökva í sól og er aðalorsök sólstings einfaldlega vökvaskortur. 

Höfundur: Guðbjörg Magnúsdóttir